Manggagawang Alipin ng Kapwa
- Gerard Salimpade
- May 4, 2012
- 1 min read
Simpleng manggagawa,
‘Di ka ba nagsasawa
Nagtatrabaho, nagtatrabaho
Alipin ng kapwa tao
Kumakayod, nagsisikap,
‘Sintaas ng alapaap
Tatakbuhin, hahabulin
Pangarap na kay hirap abutin
Nauutal, naduduwal
Sa sahod mong butal butal
Hanggan kelan mo payayamanin
Amo mong kay sarap ibitin
Pag may kailangan sayo ay magaling
Pagtalikod mo, nakangisi ang balimbing
Patuloy na nagtitiis
Pasensya mo’y numinipis
Magtyaga lang nang magtyaga
Hanggang ikaw ay matulala
Isipan ngayo’y gumagala
Sarili mo ay nagwawala
Ngayon tanan mo'y patalim
Paghinga’t pagtingin ay lumalalim
Magdiwang sa bukal na mapula
Kagalakang makapapantay ay wala
Comentarios